A campaña de micromecenado para o estudo da biopsia líquida chegaba hoxe a Vigo, da man dalgúns dos voluntarios do grupo de Oncoloxía Médica Translacional do Instituto de Investigación Sanitaria de Santiago de Compostela (Oncomet) que pedían hoxe a colaboración de todos os vigueses na rúa Príncipe de Vigo.
Os vigueses acercáronse ás mesas informativas para coñecer as vantaxes desta innovadora técnica que logra extraer a información de todo o material tumoral ofrecendo resultados case a tempo real.
Todos aqueles interesados en colaborar nesta campaña de micromecenado que, de conseguir o éxito agardado situaría a Galicia na vangarda da investigación oncolóxica, poden aínda facelo de aquí a marzo a través da web www.oncomet.es ou chamando ao 981 955 344.